फिफा फुटबॉल वर्ल्डकप आता बरोबर ९९ दिवसांवर आला आहे. १२ जून ते १३ जुलै या कालावधीत ब्राझीलमध्ये हा वर्ल्डकप रंगेल.
फिफा फुटबॉल वर्ल्डकप आता बरोबर ९९ दिवसांवर आला आहे. १२ जून ते १३ जुलै या कालावधीत ब्राझीलमध्ये हा वर्ल्डकप रंगेल. जगभरात क्रीडा स्पर्धामध्ये सर्वात मोठी प्रसिद्धी मिळवण्याचा मान हा नेहमीच फुटबॉल वर्ल्डकपकडे राहिला आहे. यंदा ब्राझीलला दुस-यांदा वर्ल्डकप आयोजनाचा मान मिळाला आहे. त्यानिमित्ताने वर्ल्डकपच्या तयारीवर आणि त्यातील महत्वपूर्ण घडामोडींचा आढावा घेण्याचा हा प्रयत्न..
यजमान आणि वाद
ब्राझीलला यजमानपद मिळाल्यापासून तेथील सरकारला ब्राझीलवासियांच्या रोषाला सामोरे जावे लागत आहे. तेथील ढासळलेली अर्थव्यवस्था पाहता वल्र्डकपच्या तयारीसाठी होणारा खर्च हा अर्थातच तेथील लोकांच्या रागाचे कारण आहे. कारण २०१६मध्ये ब्राझीलमध्ये रिओ ऑलिंपिकही होणार आहे. त्या सर्वाचे पडसाद गेल्यावर्षी कन्फेडरेशन कपदरम्यानही पाहायला मिळाले होते. सामन्याच्याठिकाणी निदर्शने, जाळपोळ करून ब्राझीलवासीय त्यांचा राग व्यक्त करत होते. या सर्व घडामोंडींमध्ये काही स्टेडियमच्या बांधकामांनाही उशीर झाला. मात्र ती वेळेत पूर्ण होतील असे आश्वासन देण्यात आले आहे. ब्राझीलच्या अध्यक्षा दिल्मा रोसेफ यांनी स्वत: सर्व तयारीमध्ये लक्ष घातले आहे. जोडीला हवाई मार्ग हादेखील चर्चेचा विषय आहे. ब्राझीलमधील १२ शहरांमध्ये होणा-या या स्पर्धेच्या ठिकाणांमध्ये फार मोठे अंतर आहे. अनेक रेल्वे स्टेशनांचाही कायापालट करण्याचे काम सुरू आहे. त्यातच हवामानातील फरकही फुटबॉलपटूंच्यादृष्टीने चिंतेचा विषय आहे.
स्टारवर विशेष लक्ष
पेले, मॅरॅडोना यासारखे माजी दिग्गज ज्याप्रमाणे त्यांच्या देशाला वर्ल्डकप जिंकून देणारे स्टार ठरले तो मान सध्याचे स्टार लिओनेल मेसी, ख्रिस्तियानो रोनाल्डो यांना मिळालेला नाही. यंदा दोघांचेही लक्ष्य त्यांच्या देशाला वर्ल्डकप जिंकून देण्याचेच आहे. मेसी अर्जेटिनाचे आणि रोनाल्डो पोर्तुगालचे प्रतिनिधित्व करेल. त्यातच दोघांनीही स्पॅनिश ला-लिगा आणि यूएफा चॅँपियन्स लीगमध्ये प्रभावी कामगिरी करत फॉर्म राखला आहे.
नेयमार प्रभावी ठरणार?
गेल्यावर्षी ब्राझीलला फिफा कन्फेडरेशन कप जिंकून देण्यात मोलाचे योगदान दिलेला नेयमार यंदा पेलेंचा कित्ता गिरवेल असा अंदाज आहे. छोटय़ा चणीच्या नेयमारची गुणवत्ता ओळखून त्याला बार्सिलोनासारख्या अव्वल क्लबने गेल्यावर्षी करारबद्ध केले. नेयमार हा मेसी आणि रोनाल्डोपेक्षाही वर्ल्डकपमध्ये सरस ठरेल असे फुटबॉलमधील जाणकारांचा अंदाज आहे.
स्पेन वर्ल्डकप राखणार?
स्पेनने २००८मध्ये युरो कप, २०१०मध्ये वल्र्डकप आणि २०१२मध्ये युरो कप जिंकून दबदबा राखला. स्पेन सातत्याने फिफा रॅँकिंगमध्ये अव्वल स्थान टिकवून आहे. मात्र गेल्यावर्षी कन्फेडरेशनच्या अंतिम फेरीत ब्राझीलविरुद्ध त्यांचा कस लागला होता. त्यावेळी यजमानांचे आक्रमण भेदणे स्पेनला जमले नव्हते. ते पाहता स्पेनसमोर मुख्य आव्हान असेल ते यजमान ब्राझीलचे.
लक्षवेधी
>आठ ग्रुप, ३२ देशांचा सहभाग, एकूण ६४ सामने, १२ ठिकाणे. त्या ठिकाणांमध्ये रिओ दि जानेरो येथील मॅरॅकॅना हे मुख्य आकर्षण असलेले स्टेडियम. त्याच स्टेडियमवर अंतिम लढत रंगेल.
>वर्ल्डकपमध्ये प्रथमच गोल-लाइन तंत्रज्ञानाचा वापर
>वॅनिशिंग स्प्रेचाही वर्ल्डकपमध्ये प्रथमच होणार वापर. त्यानुसार फ्रीकीकची जागा रेफ्री आखून देणार. हा पाण्याचा स्प्रे एका मिनिटांत अदृश्य होतो.
>फिफा वर्ल्डकप ट्रॉफी टूर रविवारीच (दोन मार्च) पूर्ण झाली. या टूरद्वारे जगभरातील ८८ देशांनी वर्ल्डकप चषकाची झलक पाहिली. भारतात कोलकात्यातही वर्ल्डकप चषकाने भेट दिली होती.
>आतापर्यंत या वल्र्डकपची जवळपास चार लाख ७३ हजार तिकिटे जगभरात विकत घेतली गेल्याचे फिफाकडून जाहीर झालेली आकडेवारी सांगते. यजमान असल्याने >ब्राझीलला सर्वाधिक तिकिटांचा मान मिळाला. एकूण ३,३३४,५२४ तिकिट स्पर्धेसाठी आहेत. त्यात व्हिआयपींचाही कोटा आहे.
>फुलेको हे वर्ल्डकपचे बोधचिन्ह (मॅस्कॉट) असेल. ब्राझीलमधील ५ ते १२ वयोगटातील मुलांना समोर ठेवून हे बोधचिन्ह ठेवण्यात आले आहे.
>आदिदास ब्राझुका हा मुख्य बॉल असेल.
>२०१०च्या वर्ल्डकपला शकिराचे ‘वाका वाका’ हे मुख्य गाणे होते. यंदा पितबूलने गायलेले ‘वुई आर वन’ हे गाणे मुख्य आहे.
>भारतात स्पर्धेचे प्रक्षेपण सोनी सिक्स वाहिनीवर दिसेल.
>वर्ल्डकपमध्ये प्रथमच गोल-लाइन तंत्रज्ञानाचा वापर
>वॅनिशिंग स्प्रेचाही वर्ल्डकपमध्ये प्रथमच होणार वापर. त्यानुसार फ्रीकीकची जागा रेफ्री आखून देणार. हा पाण्याचा स्प्रे एका मिनिटांत अदृश्य होतो.
>फिफा वर्ल्डकप ट्रॉफी टूर रविवारीच (दोन मार्च) पूर्ण झाली. या टूरद्वारे जगभरातील ८८ देशांनी वर्ल्डकप चषकाची झलक पाहिली. भारतात कोलकात्यातही वर्ल्डकप चषकाने भेट दिली होती.
>आतापर्यंत या वल्र्डकपची जवळपास चार लाख ७३ हजार तिकिटे जगभरात विकत घेतली गेल्याचे फिफाकडून जाहीर झालेली आकडेवारी सांगते. यजमान असल्याने >ब्राझीलला सर्वाधिक तिकिटांचा मान मिळाला. एकूण ३,३३४,५२४ तिकिट स्पर्धेसाठी आहेत. त्यात व्हिआयपींचाही कोटा आहे.
>फुलेको हे वर्ल्डकपचे बोधचिन्ह (मॅस्कॉट) असेल. ब्राझीलमधील ५ ते १२ वयोगटातील मुलांना समोर ठेवून हे बोधचिन्ह ठेवण्यात आले आहे.
>आदिदास ब्राझुका हा मुख्य बॉल असेल.
>२०१०च्या वर्ल्डकपला शकिराचे ‘वाका वाका’ हे मुख्य गाणे होते. यंदा पितबूलने गायलेले ‘वुई आर वन’ हे गाणे मुख्य आहे.
>भारतात स्पर्धेचे प्रक्षेपण सोनी सिक्स वाहिनीवर दिसेल.
